يسرى
كانت رسالتها لي عين ودمعه
لاتبجين
دمعج من هضم لومن جرح تبجين؟
يل كلش خطيه ومايلوك عليج
بسج عاد لاتعمين
يايسره الدمع بلل هدوم الكاع
كحله وطين
شتعتبين..؟
شتعتبين..؟
شتعتبين..؟
اطينه اشكثر بعمارنه سنين
عشنه عله البطاقه وذلة الهاك
اطونه التراب وكالو اطحين
وعجناهه..
وخبزناهه..
واكلناهه..اكلناهه..ا كلنا
..
وتغدينه..وتعشينه ييسره بخبزة الطين
وكتلنه الجوع
واحنه اهل الخبز واهل البساتين
وكتلنه الضيم
واحنه كبورنه تخوف سلاطين
شفتيلج كبر بالباب حراس
لان دفنوا ربعنه اوهمه عدلين
تبجين اشعلامج
ليش تبجين ؟؟
ونتي الجان ابوج
ابشدة العوز
لوكام وتنخه وكال والله؟!
تحتار المنيه بكظته منين
ياهو الجان وجهه وياهو مكفاه
تبجين شعلامج ليش تبجين؟
فززتي الوطن
يايسره تعبان
تبجين
شعلامج ونتي تدرين؟
اعله تابوت النواعي تفطر كلوب
وعله دموع اليتامه
تفز الاوطان
تبجين اشعلامج ليش تبجين
بعيونج
اشوف هموم شعلان
ذاك التحلف براسه المكاوير
فات عله الرصاص سلاحه مكوار
وتغده وتعشه بخبزة شعير
تبجين شعلامج ليش تبجين
بعيونج اشوف دموع بغداد
واحنه
احنه اهل التفك واهل الدواوين
علمنه الطيور تحب الاوطان
علمنه البلابل تقره قران
تجفل جانت
من الخوف الاطيور
من تسمع كبل صوت الشواجير
هسه عله السواتر يلعب الطير
لوثار التفك
ماتقبل تطير
الرئيسية
الخميس سبتمبر 02, 2010 6:38 am
ممتاز
