یا نغمت حزن

یا نغمت حزن وتسولف اویه النای * و من حزنک بگت لربابه تنعیلک
ولسابع سمه تنرفع آهاتک * ومن صوتک منصه اتگوم تبچیلک
یلعایش خیال و ماتنام اللیل * وبفنیان گهوه اللیل یحچیلک
وجگایر قهر تشرب عله الفنیان * ولهیب المواگد مای تغسیلک
ومن تکتب قصیده اللیل یخجل بیک * یخجل بالشعر وطوار تفعیلک
یالعایش غریب و عایش اویه الناس * بالمسرح وحید اتعید تمثیلک
یل جرحک غمیج و مایطیب ابساع * تداوی بل الملح وتزیل مندیلک
یا نغمت حزن شتسولف اویه اللیل * تبچیلک دموع الشمعه تضویلک
یل مخروق بلمک ونته وصط المای * وبعیده الجزیره اشلون توصیلک
وبقلمک شعر ویفیض عل لوراق * ومن ظیم الجناس البیت یشکیلک

الک نغمت حزن بللیل حزنای
حزنت و طاب ویه الروح حزنای
حبر محظور بیت ایرید حزنای
تسلخه وللحبر یشکی الأذیه

شکرا لکم عباس الکوتی المحمری

موضوع مؤثر جدا

سابيسو

شکرا لکم و لتشجیعکم الرائع و اتمنا لکم التوفیق الدائم